رثأأأأأأأأأأأأأأ
5 مشترك
صفحة 1 من اصل 1
رثأأأأأأأأأأأأأأ
من طرف خادم 2010-01-11, 10:37 pm
كنت اتمني ان اكتب بعد طول غياب لضيق الوقت عن موضوع جديد قد يهم اخوتي واحبائي ولكن اراد القدر ان يصبح هناك موضوع اكثر اهمية الي قلب الجميع وبما اننا لسنا بمنأي عما يدور حولنا فقد تأثرنا جميعا للمصاب الذي الم بنا عشية عيد الميلاد المجيد 6/1/2010 لن اتماسك امامكم. ولن امنع دموعي واحساسي بالغضب والعجز في أن واحد.. اردت ان اواسيكم واواسي نفسي وما ان بدأت حتي وجدتني انخرط في بكاء مر..فأرسل الله الي قصيدة وانا احاول ان اتابع لحظة بلحظة جميع الاحداث والتطورات في جميع وسائل الميديا من تلفزيون ونت وفضائيات علي مدار الساعة حتي في ساعات العمل .. قرأت العشرات من الموضوعات والمقالات وشاهدت الكثير من مقاطع الفيديو..اردت ان اشارككم ما قرأت .. واعتذر مقدما عما سوف تقرأوه فهو ما شعرت به واعتذر عن كل دمعة قد تزرف او تغادر عيونكم بالرغم عنكم ولكن هذه هي سمة الكلمات الصادقة الصادرة من قلب مكلوم ...... لها قوة الفولاذ الذي يعتصر القلب.. لكم كل الحب. ----القصيدة---- |
اصحى يا بنى النهاردة العيد وآديك لابس اللبس الجديد ما ترد يا بنى .. فوق اصحى اصحى قبل ما يقفلوا الصندوق .. -------------------------------- قالولى يا ولدى كنت جاى خرجت من الكنيسة وجاى قوللى طعم الغدر إزاى؟ طعم الموت إزاى ؟ يا ترى قولت آى ؟ ولا مت من سكات ولدى مات ؟ مات فى ليلة العيد ولدى يا ناس شهيد .. شايفك جاى من بعيد شايل صليب وسعيد بس قلبى محروق وانت هنا قدامى جوا صندوق -------------------------------- يا ابن عمرى إتسرق العمر منى .. سنين أكبر وانمى وأروى ارض عمرك بدمى وفى يوم العيد يتسرق الحلم منى فينك يا ابنى -------------------------------- لسه فاكرة ضحكتك وبسمتك ورقتك واول مرة مشيت لسه فاكرة خطوتك ولما اتكلمت ولما كبرت وبيك فرحت لما يوم نجحت فرح نور دنيتك ويوم العيد لما نزلت مكنتش عارفة انى دى اخر سكتك .. -------------------------------- لبسوه البدلة لبسوه ابنى عريس وبيزفوه عين امه سند ابوه اصحى يا بنى فوق انا عريس يا اما ؟؟ ايوة يا ولدى .. بس فى صندوق -------------------------------- صليبى يا ولدى تقيل انا من اليوم ده راحيل دموعى كما بحر النيل وحزنى كما الليل طويل .. طويل كل جرح فى الدنيا ممكن يروق الا انى اشوفك يا نضرى فى صندوق .. -------------------------------- اصحى يا وطن النهاردة كان العيد واديك لابس رصاص وحديد وابنى على بابك شهيد ما ترد يا وطن .. فوق اصحى اصحى قبل ما يقفلوا الصندوق .. |
خادم- عدد الرسائل : 272
العمر : 52
تاريخ التسجيل : 18/10/2008
رد: رثأأأأأأأأأأأأأأ
من طرف ايمى 2010-01-12, 8:10 am
دول قديسين عند ربنا
وربنا يصبر اهلهم ويصبر الشعب كله بجد حرااام
ربنا يرحمهم فى احضانه
ايمى- عدد الرسائل : 1358
العمر : 38
تاريخ التسجيل : 28/12/2008
رد: رثأأأأأأأأأأأأأأ
من طرف بنت الملك 2010-01-12, 1:54 pm
بسم الاب والاب والروح القدس
خطاب الابن فرحان القاطن في / السماء بتسبيح الملايكه الدور الاول بيت النغم
بعد التحية
متدمعيش علي ابنك يا امه
ابنك شهيد
متدمعش علي ابنك يا ابه
ابنك في عيد
مش هيحتفل بالعيد معاكم
زي كل عام
هيحتفل مع الملايكة والحمام
وهيشوف المولود يسوع بجد
مش بالكلام
متدمعيش يا اما ابنك بخير
صوت الملايكة هنا عالي وجميل
ما شوفتش زي يا امه
انسان ولا طير
متدمعيش ابنك بخير
اه يا ابه لو شوفت يسوع
جمالة ميتوصفش
اقولك اية ولا اية
ولا الف صورة من اللي معاكم تقدر تقول علية
جميل قوي واجمل ما فية نظره عينيه
فاكر يا ابه فاكرة يا امه
لما كنت بقولكم انا عايز اسافر بلاد بره
اديني سافرت مكان اجمل من برة
انا سافرت السما
مكان الهنا
متدمعيش
مع الملايكا هنا
متدمعيش
متدمعيش ابنك شهيد
متدمعش يا ابه ابنك في عيد
مدمعوووووش كلكم
خطاب الابن فرحان القاطن في / السماء بتسبيح الملايكه الدور الاول بيت النغم
بعد التحية
متدمعيش علي ابنك يا امه
ابنك شهيد
متدمعش علي ابنك يا ابه
ابنك في عيد
مش هيحتفل بالعيد معاكم
زي كل عام
هيحتفل مع الملايكة والحمام
وهيشوف المولود يسوع بجد
مش بالكلام
متدمعيش يا اما ابنك بخير
صوت الملايكة هنا عالي وجميل
ما شوفتش زي يا امه
انسان ولا طير
متدمعيش ابنك بخير
اه يا ابه لو شوفت يسوع
جمالة ميتوصفش
اقولك اية ولا اية
ولا الف صورة من اللي معاكم تقدر تقول علية
جميل قوي واجمل ما فية نظره عينيه
فاكر يا ابه فاكرة يا امه
لما كنت بقولكم انا عايز اسافر بلاد بره
اديني سافرت مكان اجمل من برة
انا سافرت السما
مكان الهنا
متدمعيش
مع الملايكا هنا
متدمعيش
متدمعيش ابنك شهيد
متدمعش يا ابه ابنك في عيد
مدمعوووووش كلكم
بنت الملك- عدد الرسائل : 998
تاريخ التسجيل : 22/09/2008
رد: رثأأأأأأأأأأأأأأ
من طرف قيثارة السماء 2010-01-12, 10:30 pm
[[center]b]بجد الشعر دة صعب قوى وبردة الفراق صعب بس خلاص رغم دموعى معاكم الدموع ملهاش فائدة ولا هترجع اللى راح ولا هتعوض ام عن ابنها ولا اب عن نظرة عطف من ابنة بس دلوقتى القضية هى لحد امتى هنفضل كدة كل يوم والتانى اسرة تفقد ابنها لحد امتى هنفضل مقهورين مضروبين ومهزومين يارب الياس ملا قلوب كل ولادك.يارب الخوف عشش علينا وعلى بيوتنا يارب حياتنا بقت كلها دموع وصراخ .يارب متسبش ولادك لنار العالم.لماذا يارب كل هذة الالمات؟.يارب عيونا بتترجاك يارب سامحنا وارفع عنا هذا البلاء يارب سيف الاعداء قد قوى علينا يارب اجعل يمينك على راسى وراسى على كتفك.اشعرنى بالدفئ والامان لان اصبح ليس لة وجوديارب لانقدر ان نفعل شئ فأنت وحدك تستطيع ان تعزينا وترحمنا يارب بشفاعة شهداء نجع حمادى نجينا[/b][/center]ليتك تشق السماوات وتنزل من حضرتك تزلزل الجبال
قيثارة السماء- عدد الرسائل : 242
العمر : 30
تاريخ التسجيل : 04/02/2009
رد: رثأأأأأأأأأأأأأأ
من طرف اكليسيا 2010-01-13, 10:17 pm
رجائنا أنهم في السماء عند ربنا
لكن لازم يكون في رد فعل للي بيحصل
ناس بتموت بالرشاشات وناس بتموت لانها مش عارفة تعمل حاجة وأخوتنا بيموتوا قدام عنينا
من غير ما حد يعمل حاجة . اللي بيحصل ده كتير قوي بعد كده ممكن الواحد يخرج ميرجعش تاني بسبب اللي بيحصل خلاص دلوقتي من حق اي حد يحرم ناس من حق الحياة
عايزين نعرف فين وازاي مين هيموت العيد الجاي
لكن لازم يكون في رد فعل للي بيحصل
ناس بتموت بالرشاشات وناس بتموت لانها مش عارفة تعمل حاجة وأخوتنا بيموتوا قدام عنينا
من غير ما حد يعمل حاجة . اللي بيحصل ده كتير قوي بعد كده ممكن الواحد يخرج ميرجعش تاني بسبب اللي بيحصل خلاص دلوقتي من حق اي حد يحرم ناس من حق الحياة
عايزين نعرف فين وازاي مين هيموت العيد الجاي
اكليسيا- عدد الرسائل : 690
العمر : 37
تاريخ التسجيل : 22/09/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى