عايزة اسمع ضحككم..........

محشش .... سألوه ايه اصعب حاجة في الدنيا قالهم : اني أحدد السكسوكة وانا بآكل لبانة


دى جامدة

واحد بخيل عنده 4 اولاد ..... جاب لهم حته لحمة ، وقال لهم: كل واحد يمضغها ويديها للي جانبه


دى شديدة



واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه


لسه ياعم بص



واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني


دى لا لا لا


مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها


بصوا دى



مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك قالوا م انا شايفك بواحده . اشغل التانيه ليه!


بصوا الجاية



واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع قالوا : الصداع راح.....والبوتجاز راح......والتلفزيوون راح.... و....و


لسه بدرى


سواق قتل 60 واحد في حادثة.... لما سأله الظابط ليه قتلتهم قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين قاله الظابط ادخل في الراجلين.. قاله م انا دخلت في واحد والتاني دخل الفرح


انت نمت ولا ايه



مرة واحدة ست قالت لإبنها :خد الفلوس دى وروح هاتلى دواء يصغرنى عشرين سنة فراح الولد يحيب لها الدواء ورجعا إداها الدواء .. و راح المدرسة....... رجع الولد لقى والدته صغرة عشرين سنة قال لها: إنت صغرتى قوى يا ماما ، بس إيه العيل اللى فى إيدك دة قالت له:إسكت يا واد مش أبوك شرب العلبة كلها

لسه كمان

واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر


دى الاخيرة



فيل ونمله ماشين على البحر... فجأه الفيل رمى نفسه فى البحر ليه ....... أخو النمله جاى وراهم



م ن ق و ل

جامده اخر حاجة يا مونا

هههههههههههههههههههههههههههههههههههههههههههههههههههههههههههههههههههههههه





ضحكت كتير لغايه لما تعبت وجانى صداع وروجت للدكتور بس جامدة

لا بجد تحفة قوي بتاع
واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه
ربنا يعوضك وتعيشي وتضحكينا يا موني