تعملي ايه لو حصل معاكي كده ؟؟؟؟؟؟؟؟

من طرف **بنت الملك** 2010-01-03, 12:44 pm

انتي وخطيبك ماشيين على الكورنيش .. الجو حار .. الشمس محرقة

انتي : عطشانة .

هو : وأنا كمان .

انتي : يعنى ... عايزة اشرب!

هو : أكيد مادام عطشانة يبقى عايزة تشربي .

انتي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

انتي : أنت طبعاً .

هو : منين ياحسرة .. ماانتى عارفة الكانز وغطاه .

انتي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

انتي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

انتي : قصدي تعزمنى في مكان شاعري .

هو : في الحر ده .. ماينفعش .

انتي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

انتي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

انتي : أعوذ بالله .. إنت مقفلها كده ليه ؟؟

هو : بصراحة معييش فلوس .

انتي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

انتي : بنت حلوه ؟؟!! وبتقولها في وشى .

هو : أكذب عليكى يعنى .

انتي : لأ .. تحرق دمى أحسن .

هو : أنا مش شامم ريحه شياط يعني .

انتي : يخرب بيت البرود .

هو : برود إيه ؟؟ ماهو الجو مولع أهو .

انتي : إنت اللي بارد .

هو : بارد إزاى ؟؟ دا أنا بشُر عرق .

انتي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

انتي : آآآآه .. طب أنا ماشية .

هو : ليه يا حبيبتي؟؟

انتي : حبك برص .

هو : والله البرص بيفهم عشان حبني.

انتي : بجد كده كتير .

هو : كتير إيه ؟؟

انتي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

انتي : أيوة وحالاً كمان .

هو : طب استني لما نوصل آخر الشارع .

انتي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

من طرف قيثارة السماء 2010-01-03, 2:34 pm

هههههههههههههههههههههههههههههههههههههههههههههههههههههههههههههههههه
المية ارحم

بس فعلا البخل وحش قوى قوى
ربنا يبعد البخلا عننا

من طرف Manal 2010-01-03, 5:53 pm

بصراحة الله يكون فى عونها

بس انا لو مكانها ارميه هو فى البحر مش ارمى نفسى

من طرف اكليسيا 2010-01-30, 4:11 pm

انتوا زعلانين ليه

يا جماعة الحب أعمي هو اينعم لما هو دلوقتي كده وهما مخطوبين مين عالم لما يتجوزوا
ممكن يمنع عنها النفس أو يعبيه في زجاجات ويقولها زجاجة كل شهر
ربنا معاها

تعملي ايه لو حصل معاكي كده ؟؟؟؟؟؟؟؟

تعملي ايه لو حصل معاكي كده ؟؟؟؟؟؟؟؟

رد: تعملي ايه لو حصل معاكي كده ؟؟؟؟؟؟؟؟

رد: تعملي ايه لو حصل معاكي كده ؟؟؟؟؟؟؟؟

رد: تعملي ايه لو حصل معاكي كده ؟؟؟؟؟؟؟؟