" كلمنى شكرا " خير الكلام ماقل ودل

من طرف wael 2009-04-11, 2:31 pm

كلمنى شكراً .........ايه تانى ؟ من الهجص ووجع الدماغ

طبعا الكل عارف الخدمة دى اللى بتقدمها شركات شبكات المحمول فى مصر واللى بتدى
لكل مستخدم أنك ممكن
تبعت 3رسائل مجانية يوميا و دلوقتى بقوا 5
مضمونها " كلمنى شكرا.. Please Call Me "

طبعاً نظراً لأن شعبنا هو الشعب الوحيد فى العالم الذى أخترع " الميسد كول " وتفنن فى أستخدماته
فمثلا عندما يتفارق حبيبان يقول الولد للبنت " لما توصلى البيت أبقى أدينى رنة "

أو عندما يتفق شخصان على مقابله بعضهما فى مكان مايقول الشخص للأخر " لما أوصل هناك هديك رنة تعرف انى وصلت ومستنيك " وغيرها من الاختراعات.

فى الاول اللى كانت بتجيله الرسائل دى... كان اللى بتوصله الرسالة يفتكر أنها فعلا مكتوبة من حد عايز يكلمه , ويتصل بيه فعلا ويلاقى صاحبه بيهزر معاه...

وطبعا مع انتشار الخدمة بسرعة الصاروخ (كعادة الشعب المصرى) أصبحت لهذه الخدمة لغة أخرى يتحدث بها الشعب..
فبدل الرنات أصبحت رسالة كلمنى شكرا. فعندما تسمع رنة رسالة فى أى موبايل . أعرف أنها رسالة كلمنى شكرا .

ومثلا واحد عايز يطمن على حبيبته..فيبعتلها "كلمنى شكرا" يعنى ازيك
تقوم هى ترد عليه و تبعتله "كلمنىشكرا" بردو يعنى انا كويسه

وغيروا وغيرواوغيروا
زى مايكون الشركه اخترعت الخدمه عشان يضحكوا علينا

ومع ذلك المثقفون اختلفوا

فمثلا رجال الدين أعترضوا على رسالة " كلمنى شكرا" وقالوا لماذا لا تكون الرسالة تحتوى على مضمون دينى مثل
"كلمنى جزاك الله خيراً" أو " كلمنى الله يعوضك "
والأشخاص ذو المشاعر والأحاسيس الرقيقة أعترضوا عليها وقالوا ليه ماتكونش الرسالة " كلمنى بقلبك"

ولا ننسى طبعا النساء والمرأة فقد طالبن بمقاطعة رسالة " كلمنى شكرا " فى كونها تخاطب المذكر
وطالبت جمعيات الدفاع عن المرأة بتغير كلمة " كلمنى " بكلمة " كلمينى " .

هيفضلوا يهزءوا فينا لامتى؟ وحاليا بالاسواق خدمه "اشحنلى شكرا"
نظرا لان الشعب المصرى كريم ومعطاء ومش ممكن يقول لا فى حاجه زى دى

وانتظروا قريبا خدمه "انت كدا شكرا ع الاخر" نظرا لموجه التنفيض اللى منتشره فى البلد