عايزين اجتماع للخريجين

يا جماعة فروق السن والتفكير والطموحات والموضوعات التى تناسب سن شباب الجامعة يختلف عن الشباب الخريجين

لازم يكون فيه جديد

ضخ دماء جديدة

استثمار طاقة الشباب

اكتشاف المواهب وتشجعها

وانا كمان معاكم


تيجى نعمل انتخابات
عايزين اجتماع خرجيين ولا لآ
ومين يكون الليدر

يا جماعة مفيش مشكلة بس احنا خايفين لاني ممكن يحصل انقسام والشباب كله يطلع طاقاته في اجتماع الخريجين والاجتماع التاني يتدهور لازم نفكر في باقي الشباب ذي ما بنفكر في نفسنا
وكمان مفيش ميعاد فاضي في الكنيسة غير يوم الاثنين وده مستحيل اني يكون يوم لاجتماع الشباب
الموضوع محتاج دراسة جامدة علشان نطلع باقل الخسائر
وممكن الاجتماع دة يأثر في نفسية الشباب العادي (غير الخريجين)
وكمان في اجتماع حرفيين هنعمل 3 أجتماعات شباب
وكمان نعمل اجتماع للمخطوبين وحديث الزواج
كدة كتير قوي احنا بنعمل اجتماع واحد بالعافية

بالنسبة لانقسام الاجتماع

1- الشباب الجامعى اكيد عنده طاقة وكده ياخد مساحة اكبر انه يطلع الطاقة والمواهب الى جواه

2- بالنسبة للميعاد ممكن نعملة زى ماهو يوم الخميس لان كل واحد فيهم هيكون له الخدام المستقلين به. واكيد المخدومين برده

3- فعلا الموضوع محتاج دراسة ومفيش مانع من التجربة( بس الناجحة ان شاء الله)

4-ليه الموضوع ده هيأثر فى نفسية الشباب الجامعى
بالعكس هيكون مستقل اكتر فى موضوعاته اللى تهمه وتهم سنه
وهيكون زيه زى باقى اجتماعات كنائس كتير ( ومتقولوش ان الكنائس ديه قديمة لا فى كنائس جديدة فى الخدمة وبعدنا كمان

5-ومفيش مشكلة خالص انه يكون فى 3اجتماعات شباب
كل اجتماع لفئة معين (يعنى كلهم مختلفين مثلا فى السن........)

6- مش مشكلة خالص انه يكون عندنا اجتماع مخطوبين وحيث الزواج (مع ان ده محتاج خدام كتير بس مفيش مشكلة فى التفكير)

7-بنعمل اجتماع واحد بالعافية
يمكن مفيش خدمة بالروح والانتماء اللى بجد للاجتماع
او مفيش مشاركات من الجميع (اولهم انا)


صدوقنى الفكرة حلوة ومحتاجة دراسة وجدية


مع بعض هنكون افضل

ميش لم يكون اجتماع الشباب ( اجتماع مارمارقس ) ناجح الاول بعدين نعمل اجتماع للخريجين .



انا معنديش مانع ان يعمل اجتماع خريجين

ياريت تواظبوا علي اجتماع الشباب لكي نشعر بالجدية في انكم من الممكن ان تحضروا اجتماع خريجيين.
انا سعيد جدا بوجود أ/ وائل و أ/ اراهيم معانا اخيرا بس ممكن اسأل سؤال مشروع؟؟
ممكن اعرف ايه الميعاد المناسب لحضراتكم علشان نضمن حضوركم في اجتماع الخريجيين ان شاء الله. ولا برده مش هتحضروا ونرجع نقول عاوزين اجتماع مخطوبين لما حضراتكم تخطبوا ان شاء ربنا وبرده مفيش حضور. وهكذا أجتماع حديثي الزواج وبعده قديمي الزواج ثم اجتماع الاباء الصغار ثم الاباء العواجيز. وبرده محدش هيحضر لانه هيكون مش عاجب وانتم برده مش فاضيين وبرده محتاجين ومنتظرين اجتماع منتقلين..

بصراحة يا جماعة انا شايفة ان احنا ممكن نعمل اجتماع منبثق من اجتماع الشباب
يبقي للمخطوبيبن والخريجين مع بعض
يعني يبقي فيه توعيه
ثقافة جنسية
ثقافه العمل والكورسات
اسس بناء كنيسة جديدة
كل ده محتاجه الشباب الخريجين
ازاي بقي الاجتماع يقدم ده
دي وظيفة الخدام
هما عارفين احتياجاتنا اكيد
ولازم يوظفوها صح
بس انا شايفة ان عمل اجتماع مخطوبيثن
فكرة كويسة تستحق التفكير
ممكن نعمل دراسه جدوي
ونشوف ارباح وخسائر الفكرة
والبدائل
وربنا معاكم
ملاك في حالة عبادة.gif