شفيع الطلبة

<table height=377 cellSpacing=0 cellPadding=0 width="95%" align=center border=0><tr><td class=Miracles_Label align=left colSpan=2 height=20>مش هتشيلى ولا مادة </TD></TR>
<tr><td align=left colSpan=2 height=20></TD></TR>
<tr><td class=Miracles_Text align=left colSpan=2 height=299>الاسم/ مارى - ليسانس اداب قسم لغة انجليزية دفعة 2004
فى سنة 2002 لما كنت فى الفرقة الثانية كان عندى فى المقرر لغة عربيه وكان بيديهالنا دكتور متعصب جداااااااااا ،، وكانت مساعدتة له معيده متعصبة ومتدينة جداً فكانت محاضرتة صعبة جداً نظراً لتدينه وتعصبه وكنت دايما بحب اغيظه واقعد فى البنش الاول وكان ينظر الي فى منتهى الغيظ . وجاء يوم الامتحان وكان عايز ايات قراانية كتييييير بس انا مكتبتش غير واحده واكتشفت انى كتبتها غلط وبكده تاكدت انى شايلة الماده وخرجت من الامتحان وقطعت الورقة ورميتها
وحصل انى اتصلت براهب قديس من دير الانبا بولا وقال لى انى هشيل مادتين وربنا يعيننى عليهم فسلمت بالامر الواقع ولكن حسيت انى برده عايزة اتاكد فاتصلت بنفس الراهب مره تانية بعد شهر من المرة الاولى ولكن قالى نفس الكلام والنتيجة فتاكدت ان هى دى الحقيقة وانها اراده ربنا ولكن حدث ان قبل نتيجتى باسبوع رحت لاب اعترافى عشان يصلى لى وفعلا صلى لى وحضرت القداس واتناولت
وبعديها بتلات ايام حلمت بانى فى كنيسة والبابا كيرلس ظهر وانا طلعت اشوفة وفعلا شفته بابتسامة جميلة ومالى السما وحجمه كبييير قوى وسالتة : يا بابا كيرلس ابونا (فلان) قالى انى هشيل مادتين البابا كيرلس : انتى مش هتشيلى ولا مادة وانا جاى اطمنك قولتة : ازاى ده ابونا قالى هشيل مادتين رد عليا بابتسامة جميلة وحانيه : لا مش هتشيلى ولا ماده
فرحت جداااااا ولما صحيت من النوم لقيت ورقة امتحان العربى الى( انا قطعتها ) على السرير واتخضيت بس حسيت ان ربنا رفع عنى المادتين . ودخل فى نفسى سلام وفرحة لدرجة انى مرحتش اجيب النتيجة وقولتلهم انى عارفاها وفعلا صديقاتى جابولى النتيجة زى ماالبابا قالى بالظبط وجبت جيد لكن فى العربى جبت مقبول
اشكر ربنا والبابا كيرلس وبطلب منة يسامحنى على تقصيرى فى نشر هذه المعجزة فى الكتب</TD></TR>
<tr><td align=left colSpan=2 height=19></TD></TR></TABLE>