لعبة البيت بيتك بس مش محمد سعد

بصراحه يا جماعه اللعبه دي شفتها في احد المنتديات وقلت امجبهالكم يمكن تعجبكم ومش عارف اذا كانت اللعبه متكرره ولا لا اللعبه هي ان كل اعضاء المنتدى يكونو اخوات في بيت واحد يعني نقدر نسمي اللعبه برده << بيت العيله >> مثلا واحد يقول فين الموبايل بتاعي عشان انا عايز اروح مشوار ويجي العضو اللي بعده يقوله الموبايل بتاعك عندي بس مش هطلعه الا لما تديني مفاتيح العربيه بتاعتي تخيل كانك في بيتكم وخلينا نشوف ايه اللي هيحصل اللي جعان واللي بيعزم حد عنده في الاوضه واللي عايزة تطبخ واللي عايزة تخرج و اللي بيتخانقوا مع بعض وهكذااااااااااااااا ان شاء الله مفهومه اي حاجه تيجي على بالكوا قولوها بس طبعا لازم نحافظ على الاخوة اللي بينا

فين التوكه بتاعتى انا كنت حطاها على التسريحه؟

التوكة بتعتك في شعري أخذتها لما عملتي شعري سيشوار
بس بجد كان في معايا 100 جنية ساعتها مش عارفة راحت فين لو جبتيها هديكي التوكة
اكيد التوكة ارخص من100 جنية

التوكه بتاعتك اناحتطها علي التسريحة تاني قومي بصي عليها
ولو سمحتي (اللي هيدخل بعدي)يقول فين الخاتم بتاعي مش هينفع كدة مش كل ما احط حاجة ملقهاش

اصل بصراحه انا جيت احط ال100 جنيه مكانها شوفت الخاتم بتاعك وعجبنى فخته

علي فكره الخاتم معايا بس مش هينفع تاخديه
غير لما تقولي لي فين فرده الشراب بتاعتي

الشراب في درج التسريحة وانا بشيل الغسيل اتحط غلط

بس اللي مجنني كان معايا قطعةشيكولاتة كانت معايا في الشنطة ومش لاقيها لو خدتيها عادي بس قولي وبالهنا والشفا (انا عارفة ان اللي خدها هو اللي هيدخل بعدي)