منتدي شباب مار مرقس

رسالة تعزية لكل الناس لازم توصل وتسرى وسطينا

استعرض الموضوع السابق استعرض الموضوع التالي اذهب الى الأسفل

رسالة تعزية لكل الناس لازم توصل وتسرى وسطينا

مُساهمة من طرف مرمورة في 2010-01-13, 10:58 pm

دى رسالة وصلتنى ولازم الكل يعرفها
الرسالة كما جاءتنى :-

انا ليا صديقه من نجع حمادي
قالت انها ........
اللى هقوله دة رسالة تعزية لكل الناس
لازم توصل وتسرى وسطينا

رحت اعزى النهارده زمايلى اخوات الشهدا لأنهم فى نفس سنى تقريباً
انا زرت تلات بيوت
وكل بيت كنت بدخله كنت باخد شحنة تعزية وفرح مالهاش مثيل ومعرفش اوصفهالكم بجد
***********
اللى فرحنى فعلاً هو كم الفرح والتعزية اللى فيهم وملياهم
بيت الشهيد ابانوب كمال
شافوا الست العدرا
واقفة فوق الصناديق اثناء الصلاة فى شكل حمامة كبيرة
وكمان شافوا نفس الحمامة معدية عند البيت تلات مرات رايحة جاية
ومن وقتها حاسين بسلام وفرح مش عاوزة اقولكم
فى البيت شكلهم ازاى

بيت الشهيد بولا عاطف
مامته شافتهم كلهم فى حلم لابسين ابيض وفرحانين
وقالها ان فرحان ياماما ومبسوط جداً هنا
وقالها بصى الجلابية بتاعتى مفيهاش بقع زى اصحابى
علشان انتى فرحانة ومش بتبكى
والبيت هناك عامل زى الكنيسة
ومامة بولا قالتلنا انها بعد ماسيدنا صلى صلاة التالت
قامت زغرتت لانها بتقول كنت حاسة انى بحضر فرح بولا مش صلاة على روحه
قامت زغرتت من الفرحة

بيت الشهيد بيشوى فريد
فرحانين جداً لان بيشوى كان خادم جميل وكمان اعترف واتناول قبل مايقابل المسيح
وكانت فى حياته على الارض زى الملاك
وهما شافوا الشهدا فى حضن الست العدرا

تفتكروا بعد دة كله كان ممكن ابقى ازاى
انا بجد فرحانة جدا رحت اعزيهم انا اللى اتعزيت
ربنا باعت تعزية رااااااائعة وجميلة لقلوبهم
والعدرا الحنونة مش سايباهم
************
والسما مش سايبانا ولا ناسيانا
كل الفترة اللى عدت من يوم ليلة العيد
والسما ساندانا
والعدرا معانا بتحرسنا
طفت حرايق كتير وانقذت ناس من الموت
واقفة بتحرسنا وبتحمينا
العدرا وكل القديسين موجودين فى نجع حمادى
لولاهم احنا كنا تعبنا كتير

رب المجد مش ناسينا ولا سايبنا
رب المجد بيحبنا ولو مش بيحبنا مكنش بعتلنا الضيقة الجميلة دى
ضيقة شبعتنا وفرحتنا وجمعتنا كلنا بقلب واحد
ضيقة حركتنا وغيرتنا ومازالت

شكرا يا الهى على كل شىء
واثقين انك معانا
وحامينا
ان اخدوا جسدنا روحنا فى ايدك ومحدش يقدر ينزعها منك
++++++++
منقووووووووووول الرسالة كما جاءتنى دون اى تغير
avatar
مرمورة

عدد الرسائل : 175
العمر : 31
تاريخ التسجيل : 15/11/2009

الرجوع الى أعلى الصفحة اذهب الى الأسفل

رد: رسالة تعزية لكل الناس لازم توصل وتسرى وسطينا

مُساهمة من طرف the magic eyes في 2010-01-23, 2:01 pm

علمت انك تستطيع كل شئ ولا يتعسر عليك امر
ايضا تجرح وتعصب تسحق ويداك تشفيان
فعلا يا رب احنا عيوننا تنزف دمعا منتظرينك انت وحدك
لتمسح دموعنا وتضمد جروحنا وتعزى نفوسنا
نعم انت وحدك اللى تقدر تعزى كل النفوس
انت وحدك اللى تقدر تداوى كل الجروح
انت وحدك اللى تقدر تشفى كل الالام
نعم انت وحدك يا رب .......
يمكن يا رب موضوع شهداء نجع حمادى دة بيصحينا من غفلتنا بيقولنا لو انتم مكانهم هتكونوا مستعدين ولا لا


ميرسى يا مرمورة على الموضوع الجميل دة
عارفة انا كل ما افرج على اسر الشهداء على السىتى فى
اتعب اوى
لكن موضوعك دة ريحنى اوى
ربنا يعوضك

the magic eyes

عدد الرسائل : 17
العمر : 34
تاريخ التسجيل : 15/11/2009

الرجوع الى أعلى الصفحة اذهب الى الأسفل

رد: رسالة تعزية لكل الناس لازم توصل وتسرى وسطينا

مُساهمة من طرف مرمورة في 2010-01-23, 2:07 pm

ميرسى يا ماجيك على المرور الجميل
ربنا يعطى عزاء لكل اسر الشهداء
ويقوينا فى الايام الصعبة دى
ويحافظ على كنيستة واولاده ويثبتنا على ايماننا ويقويه ...
avatar
مرمورة

عدد الرسائل : 175
العمر : 31
تاريخ التسجيل : 15/11/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى